Stiansen si verd

Hafstadfjellet

2008-11-11T16:22:00.001+02:00

Min første test på nettblogg. Vakker plass i Førde.

Beklager lite blogging

2007-10-14T10:21:00.000+02:00

Dei siste sju månadane har fokuset mitt vore Radio Vest. Ein ny nettradio sendt frå Sogn og Fjordane. Der har eg vore radiosjef og blogga på ei eiga side for radiokanalen.

MEN no er eg tilbake som journalist i NRK Sogn og Fjordane.

Det var fint å kome tilbake. Nett som å kome heim. Vart tatt imot på ein fantastisk måte av gamle kollegaer. Det sette eg stor pris på. Gleder meg til fortsettinga. Skal prøve å blogge litt framover også. Det skjer jo så mykje kjekt heile tida.

Siste sending i NRK

2007-02-28T19:25:00.000+02:00

Då har eg nett avslutta mi siste sending i NRK Sogn og Fjordane. Frå måndag tek eg til i nyejobben som kringkastingsjef i Firda.no. Ti år har eg lagt bak meg i NRK. Ti lærerike og spennande år. Eg har fått oppleve fantastisk mykje. Takk til kollegaene som har gjort at eg har gleda meg til kvar arbeidsdag! Eg vil sakne ALLE! No gleder eg meg til å ta fatt på ny jobb.

Vi delte ut Luttprisen 2006

2007-02-24T21:17:00.000+02:00

Onsdag 20. februar delte eg og Stein ut Luttprisen 2006 til Eva Weel Skram frå Sogndal. Eg og medprogramleiar i lokalmusikkprogrammet LUTT, Stein Jarle Aase, fekk besøk av Eva i studio. Eit veldig triveleg møte med ein musikar frå fylket vi er stolte av. Ho fekk prisen etter å ha fått eit lass med epost og sms-stemmer, samt flest stemmer frå fagjurien. Luttprisen er NRK Sogn og Fjordane sin pris til den beste artisten i Sogn og Fjordane.

Eva er ei dyktig, engasjert og svært musikalsk sognejente. Ho har nett gjeve ut si eiga plate saman med kjærasten, ho var ein av artistane på By:larm i Trondheim og reiser no på turne med Morten Abel i heile Norge

Eg og Stein var same kvelden på Abelkonserten i Førde. Ei stor musikalsk oppleving, som alt for få Førdianarar fekk med seg. Eva var også veldig flink!

Det blir trist å slutte i Luttredaksjonen når eg no reiser til Firda. Dette er noko eg kjem til å sakne. Benytter anledningen til å takke for samarbeidet til ein svært god kollega, STEIN!!!

Luttprisen var eit flott trykk(ansikt) av den kjende kunstnaren Knut Rumohr frå Sogn.

Nedtellinga har starta

2007-02-13T22:27:00.000+02:00

28. februar 2007 er min siste arbeidsdag i NRK for denne gong. Klokka 1800 er vakta mi slutt. Eg avsluttar med ettermiddagsending. Deretter set eg kursen mot mediehuset Firda, og min nye jobb! Litt skummelt! Litt trist! Men håper det blir mest kjekt!

Eg blir så glad.......

2007-02-08T17:25:00.000+02:00

Her er nokre ting eg blir glad inni meg av:

- Ein blikkstille dag ute ved havet, i båten min. Det er sommar, sol og fri. Eg høyrer ei snekke tøffe, ein måse som skrik og ein duggfrisk som vert opna. I lufta ligg sjølukt, røyken frå grillen og makrellskyer som dovnar seg.

- Ein vindstille dag med vårsola som varmar. Framfor meg ligg alpintbakken kvit og klar. Rundt meg er det vener og glade folk. Eg set utfor. Svusj! Åhhh! Det er deilig! Snart skal eg på afterski...

.....og ein slik dag som i dag 8.februar 2007. Ute skin sola frå ein knallblå vinterhimmel. Snøen heng tungt i trea. Det er så vakkert. Sit på verandaen og ser utover ein snøkledd bygdeby. For første gong i år varmar sola meg i ansiktet. Eg blir så glad.....og litt kald. Heldigvis har eg fyr på peisen.

Gratulerer Jølster!

2007-01-28T18:36:00.000+02:00

Endeleg endeleg! Snøen er komen, og eg har hatt mi aller første helg på ski i år. Laurdag og søndag var ingenting anna enn nydeleg!

Medan snøen lava ned, tok eg med meg skia og sette kursen mot Jølster skisenter. Eit senter som ligg nydeleg til med utsikt over det vakre Jølstravatnet. Her har dei investert og utvida kraftig, og opna eit utvida tilbod i år. Eg har vore spent på korleis bakkane ville bli. Denne helga fekk eg svaret.

KONKLUSJON: Dette var veldig bra. Terningkast 5! Det nye behaglege t-trekket tek deg frå 450 moh til 800 moh på ca 5 minutt. Der fann du laurdag massevis av deilig laussnø utanfor løypene, i tillegg til to flotte preparerte nedfartar. Litt kald vind øverst, men det var fort gløymt. Søndag var det blitt kram snø, og eg likte meg best innanfor løypene. Stort pluss var NULL kø. Dermed vart det mykje skikøying. Lite minus på søndag var regnet som kom ut på dagen.

Åhhhhh..... så deilig at skisesongen endeleg er i gang. Til helga skal eg og mine to gullgutar til Hemsedal for å stå på ski. Det gleder eg meg til!

SVUSJ! SVISJ!!

Hobbyen som vart vekke

2007-01-08T21:47:00.000+02:00

For fem år sidan fekk eg ein ny hobby. Alpintski! I ein alder av 27 vart eg alvorleg biten av "skidilla". Eg, Frode og Vegar kjøpte prikk like slalomski hjå Sissel på Din Sport i Førde. Det vart starten på noko veldig bra!

Eg trur faktisk det er den kjekkaste hobbyen eg har hatt - i heile mitt liv. Her fekk eg tre ting på ein gong; Fart og spenning, fysisk aktivitet i flott natur og festleg lag med gode vener og familie. Tenk å suse nedover dei snøkledde fjellsidene, sola skin imot deg, du tek ein grillpause i bakken og om litt er det afterski.

MEN! Her eg sit i sofaen med fyr på peisen. Tankane går til alle turane i skibakken der eg skulle ha vore no. Kvifor er eg ikkje der?

Jo, for det har skjedd noko fælt! Hobbyen min er vekke!

Kvifor?

Jo, fordi det viktigaste grunnlaget for å stå på ski er vekke. Det er jo ikkje snø lenger. Så langt denne sesongen er talet på skidagar for meg 0(null). Ikkje nok med det. På nyheitene i kveld seier dei at dette berre er starten. Eg kan berre legge skia på hylla.

Eg kjenner det gjer ilt i magen. Hobbyen som har gjeve meg så mykje - kan vere vekke!. Er det vår skyld?

Hjelp! Eg har sagt opp jobben!

2006-12-17T15:22:00.000+02:00

Etter nesten 10 trygge og fantastiske år i NRK, leverte eg denne veka inn oppseiinga mi. Kva er det eg har gjort? Sagt opp jobben eg elskar! Er eg blitt tullete?

-Nei, eg håpar ikkje det.

På nyåret startar eg i nyejobben som "kringkastingsjef" for Firda.no i Førde. Eg skal mellom anna bygge opp ein ny fylkesdekkande nett-radio i Sogn og Fjordane. Ein jobb eg rett og slett ikkje kunne seie nei til.

Mine to kjære søner gjer at eg kjem til å bli verande i Førde i mange år. Jobbmarknaden min begrenser seg dermed også til Førde. Difor er det ikkje kvar dag eg får servert slike tilbod.

Klart eg kjem til å sakne NRK. Eg kjem sikkert også til å angre litt av og til. Men mest av alt kjem eg til å sakne dei flotte kollegaene mine. Dei som har gjort at eg har gleda meg til kvar arbeidsdag i NRK - i snart 10 år.

Så vil tida vise om jobben i Firda blir så spennande, utfordrande og kjekk som eg drøymer om. Eg håper og trur det!

Held du fram med å lese blogen min, får du vite korleis det går.

GOD JUL OG GODT NYTT ÅR!

- STIAN -